05/09/2011 | BIZIM QIRIM

www.dua.crimea.ua

Sürgünlik Qurbanlarini Añma Duasi

Bu yıl Qırım Dünyasında sürgünlik qurbanlarını duanen añmaqnı teklif etemiz. Qırım ve diasporada aynı saatte bir millet olaraq sürgünlik ve diger qurbanlarımıznı camiler ve derneklerde toplu bir şekilde añmaq kereklidir dep sayamız. Bu tedbir QIRIM MUSULMANLARI DİNİY İDARESİ, BİZİM QIRIM halqara cemaat teşkilâtı, QARDAŞLIQ Aqmescit şeer teşkilâtı ve YAŞLAR SEDASI teşebbüs gruppası tarafından teklif etile.

Qıymetli Semetdeşler!

Mayıs ayınıñ 17sinde, saat 20.00 Qırımnıñ er bir camisinde sürgünlik qurbanları añılaraq dualar oqulacaq. Qırımnıñ tışında toplu yaşağan semetdeşlerimiz toplaşıp sürgünlik qurbanlarımıznı añmalarını teklif etemiz. Böyleliknen dünyanıñ çeşit köşelerinde mayıs 18 sürgünlik qurbanlarını añğan olurmız inşAllah.
Duadan eksik etmeyik.