12/13/2011 | Qalemdar

Шахсен манъа коре, оларнынъ кийинмесинде, сачларыны тарамасында, яни прическаларында уджуна чыкъкъан провинциаллик, зевкъсызлыкъ (безвкусица) акс олуна. Корьмемиш кунь корьсе куньдюз чыракъ якъар, дейлер бизим халкъта. Мен беллесем, АТР алып барыджылары да корьмей-корьмей, бир кереден янъы урбалар, стилист корьгенлеринен дюньяларыны унуттылар, гъалиба. Акс алда, медениетли адамлар акъшамлары кийген урбаларны, акъшам тедбири ичюн япкъан прическаларны саба яйынларына, яхут «Хаберлер» киби ресмий яйынларгъа кийип кельмез эдилер. Меселя, бугунь «Саба эрте» яйынында алып барыджы ханымнынъ башындаки «лампа шише»ге, я да бундан эвельки куньлерде украиндже хаберлерде (!) чыкъкъан къызнынъ башындаки тамам шойле «иншаат»къа не дерсинъиз?Деерлик эр бир алып барыджы къызнынъ кокюсине такъылгъан суньий гуллер исе оларны инкубатор чипчелерине чевире. Башкъа каналларда бойле шейге ёл берирлерми?