Пікет на підтримку кримськотатарського народу під посольством РФ, 25.09.14

10710247_820554891318634_2978687449757914246_o

25.09.14, 12:30. Київ, Повітрянофлотський проспект, 27

Подія у Фейсбуці – ТУТ

 

З початком окупації Автономної Республіки Крим почалася хвиля репресій та дискримінації по відношенню до корінного народу півострову – кримських татар. Вбивство Решата Ахметова, викрадення представників Меджлісу, обшуки ФСБ в будівлях кримських татар та кримськотатарських навчальних закладах, заборона в’їзду на територію Криму лідеру кримськотатарського народу Мустафі Джемілєву та Голові Меджлісу Рефату Чубарову, заборона проведення мирних зібрань за ініціативи кримськотатарського народу. Новоприйнята “конституція” Криму, ст.10 говорить про вільне функціонування російської, української та кримськотатарської мов. Проте, з березня було зафіксовано 2 випадки, коли підлітки розмовляли українською та кримськотатарською по телефону і за це мали фізичні побиття з боку мілітарних російських організацій. Офіційні представники окупаційної “влади” також ігнорують статтю “конституції”, “прокурор” Криму Наталя Поклонська не змогла зачитати звернення про заборону в’їзду на територію Криму Голові Меджлісу Рефату Чубарову, на його власне прохання як представника кримськотатарського народу.

Факти порушення прав кримськотатарського народу продовжуються. Крим – це частина України. Кримські татари котрі залишились на півострові роблять мужній вчинок, бо зберігають та охороняють культуру, традиції та мову, і в цей момент ми маємо підтримувати і їх, та кожного і не лише на цьому пікеті говорити голосно про порушення прав кримськотатарського народу.

Пікет проходитиме без жодної символіки жодної політичної сили, лише державний прапор України та прапор кримськотатарського народу.

Організатори: Кримський правозахисний центр “Дія” та Конгрес наіональних громад України.

Контакти: (+38096)7765594 – Тетяна.

Къырым Мухтар Джумхуриети ишгъаль этильген сонъ, ярымаданынъ тамыр халкъы олгъан къырымтатарларгъа къаршы джезалав (репрессия) ве айырым башланды. Решат Ахметовнынъ ольдюрюви, Меджлис темсильджилерининъ хырсызланмасы, къырымтатарларнынъ эвлери ве окъув юртларында Федераль Хавфсызлыкъ Хызмети тарафындан япылгъан тинтювлер, къырымтатар халкъынынъ лидери Мустафа Джемилев ве Миллий Меджлис реиси Рефат Чубаровгъа Къырым территориясына кириши ясакъ этилюви, къырымтатар халкъынынъ тешеббюси иле барышыкъ топлашувларынынъ кечирильмеси ясакъ этилюви. Янъы къабул этильген Къырым «анаясасынынъ» 10-джы маддесинде рус, украин ве къырымтатар тиллерининъ сербест къулланылмасы акъкъында бильдириле. Лякин, март айындан башлап 2 вакъиа къайд этильди ки, осмюрлер телефондан украин ве къырымтатар тиллеринде лаф эткенлери себебинден русиели милитар тешкилятлары тарафындан урулдылар. Ишгъальджи «укюметининъ» ресмий темсильджилери де «анаясанынъ» маддесине риает этмей, Къырым «прокуроры» Наталья Поклонская, Меджлис реиси Рефат Чубаровнынъ къырымтатар темсильджиси олгъаны себебинден къырымтатар тилинде окъумакъны риджа эткенине бакъмадан, Рефат Чубаровгъа Къырым территориясына кириши ясакъ олгъаны акъкъында хитапны къырымтатар тилинде окъуп оламады. Къырымтатар халкъынынъ акъ-укъукълары бозулмагъа девам эте. Къырым Украинанынъ къысымыдыр. Ярымадада къалгъан къырымтатарлар джесюрлигини косьтерелер, чюнки озь медениет, адетлер ве тилини сакъламагъа тырышалар. Бу вазиетте биз оларгъа къол тутмакъ керекмиз. Ве къырымтатар халкъынынъ акъ-укъукълары бозулмасы акъкъында тек бу пикетте дегиль де, даима айтмакъ керекмиз. Нумайыш ич бир сиясий кучьнинъ тимсали олмайып, тек Украина ве къырымтатар халкъынынъ байракълары иле кечириледжек.

Тешкилятчылар: «Дия» Къырым укъукъкъоруйыджы меркези ве Украина миллий джемаатлары Конгресси.

Малюмат ичюн телефон: +38(096) 7765594 – Татьяна

Qırım Muhtar Cumhuriyeti işğal etilgen soñ, yarımadanıñ tamır halqı olğan qırımtatarlarğa qarşı cezalav (repressiya) ve ayırım başlandı. Reşat Ahmetovnıñ öldürülüvi, Meclis temsilcileriniñ hırsızlanması, qırımtatarlarnıñ evleri ve oquv yurtlarında Federal Havfsızlıq Hızmeti tarafından yapılğan tintüvler, qırımtatar halqınıñ lideri Mustafa Cemilev ve Milliy Meclis reisi Refat Çubarovğa Qırım territoriyasına kirişi yasaq etilüvi, qırımtatar halqınıñ teşebbüsi ile barışıq toplaşuvlarınıñ keçirilmesi yasaq etilüvi. Yañı qabul etilgen Qırım “anayasasınıñ” 10-cı maddesinde rus, ukrain ve qırımtatar tilleriniñ serbest qullanılması aqqında bildirile. Lâkin, mart ayından başlap 2 vaqia qayd etildi ki, ösmürler telefondan ukrain ve qırımtatar tillerinde laf etkenleri sebebinden rusiyeli militar teşkilâtları tarafından uruldılar. İşğalci “ükümetiniñ” resmiy temsilcileri de “anayasanıñ” maddesine riayet etmey, Qırım “prokurorı” Natalya Poklonskaya, Meclis reisi Refat Çubarovnıñ qırımtatar temsilcisi olğanı sebebinden qırımtatar tilinde oqumaqnı rica etkenine baqmadan, Refat Çubarovğa Qırım territoriyasına kirişi yasaq olğanı aqqında hitapnı qırımtatar tilinde oqup olamadı. Qırımtatar halqınıñ aq-uquqları bozulmağa devam ete. Qırım Ukrainanıñ qısımıdır. Yarımadada qalğan qırımtatarlar cesürligini köstereler, çünki öz medeniyet, adetler ve tilini saqlamağa tırışalar. Bu vaziyette biz olarğa qol tutmaq kerekmiz. Ve qırımtatar halqınıñ aq-uquqları bozulması aqqında tek bu pikette degil de, daima aytmaq kerekmiz. Numayış iç bir siyasiy küçniñ timsali olmayıp, tek Ukraina ve qırımtatar halqınıñ bayraqları ile keçirilecek.

Teşkilâtçılar: “Diya” Qırım uquqqoruyıcı merkezi ve Ukraina milliy cemaatları Kongressi.

Malümat içün telefon: +38(096) 7765594 – Tatyana